ဘန်ကောက် – ပတ္တယား ခရီးစဉ်ပက်ကေ့ချ်
( နေ့လည်စာ / ညစာ )
နံနက်ပိုင်းတွင် ဘန်ကောက်မြို့သို့ ရောက်ရှိပါက ဒေသခံ Tour Guide နှင့်တွေ့ဆုံပြီး ပတ္တယားမြို့သို့ ဆက်လက်ထွက်ခွာပါမည်။ လမ်းခရီးတွင် Nong Nooch Tropical Garden သို့ သွားရောက်လည်ပတ်ပြီး Buffet နေ့လည်စာ သုံးဆောင်ပါမည်။
နေ့လည်စာသုံးဆောင်ပြီးနောက် နာမည်ကျော် Thai Cultural Show နှင့် စိတ်ဝင်စားဖွယ် Elephant Show တို့ကို ကြည့်ရှုခံစားပါမည်။ ထို့နောက် တောင်နံရံပေါ်တွင် Laser နည်းပညာဖြင့် ထွင်းဖော်ထားသည့် ဧရာမဗုဒ္ဓရုပ်ပွားတော် Laser Buddha (Khao Chi Chan) သို့ ဆက်လက်သွားရောက်လည်ပတ်ပါမည်။
ညစာကို ဒေသခံစားသောက်ဆိုင်တွင် သုံးဆောင်ပြီးနောက် ညပိုင်းတွင် ပတ္တယားမြို့၏ နာမည်ကျော် Alcazar Cabaret Show ကို စိတ်ဝင်စားဖွယ် ကြည့်ရှုခံစားပါမည်။
Show ပြီးဆုံးပါက ပတ္တယားရှိ 3-Star Hotel သို့ ပို့ဆောင်ကာ Check-in ဝင်ရောက်ပြီး ညအိပ်အနားယူပါမည်။
( နံနက်စာ / နေ့လည်စာ / ညစာ )
ဟိုတယ်တွင် နံနက်စာသုံးဆောင်ပြီး Check-out ပြုလုပ်ကာ Big Buddha Temple သို့ သွားရောက်လည်ပတ်ပါမည်။ ထို့နောက် ပတ္တယားမြို့နှင့် ပတ္တယားကမ်းခြေတို့၏ လှပသော မြင်ကွင်းများကို အပေါ်စီးမှ ခံစားကြည့်ရှုနိုင်သည့် Pattaya Viewpoint သို့ ဆက်လက်သွားရောက်ပါမည်။ ထို့အပြင် လူကြိုက်များသော 3 Mermaids Café တွင် အမှတ်တရဓာတ်ပုံများ ရိုက်ကူးနိုင်ပါမည်။ (ကုန်ကျစရိတ်ကို ကိုယ်တိုင်ကျခံရမည်)။
ဒေသခံစားသောက်ဆိုင်တွင် နေ့လည်စာသုံးဆောင်ပြီးနောက် ဘန်ကောက်မြို့သို့ ထွက်ခွာပါမည်။ ဘန်ကောက်သို့ ရောက်ရှိပါက Pratunam Market တွင် ဈေးဝယ်ရန် အားလပ်ချိန်ရရှိပါမည်။ထို့နောက် ဘန်ကောက်ရှိ 3-Star Hotel သို့ ပို့ဆောင်ကာ Check-in ဝင်ရောက်ပြီး အေးချမ်းစွာ ညအိပ်အနားယူပါမည်။
( နံနက်စာ / နေ့လည်စာ / ညစာ )
ဟိုတယ်တွင် နံနက်စာသုံးဆောင်ပြီးနောက် ဘန်ကောက်မြို့၏ ထင်ရှားသော Grand Palace နှင့် Emerald Buddha (Wat Phra Kaew) ဘုရားကျောင်းသို့ သွားရောက်လည်ပတ်ပါမည်။
ထို့နောက် ပင်လယ်ရေသတ္တဝါများနှင့် ကမ္ဘာကျော်အနုပညာရှင်များ၏ ဖယောင်းရုပ်တုများကို ကြည့်ရှုလေ့လာနိုင်သည့် SEA LIFE Bangkok Ocean World နှင့် Madame Tussauds Bangkok သို့ သွားရောက်လည်ပတ်ပါမည်။ နေ့လည်စာကို ဒေသခံစားသောက်ဆိုင်တွင် သုံးဆောင်ပြီးနောက် Asiatique the Riverfront တွင် ဈေးဝယ်ခြင်းနှင့် လည်ပတ်ကြည့်ရှုခြင်းများ ပြုလုပ်ပါမည်။
ညပိုင်းတွင် Chao Phraya River Dinner Cruise ဖြင့် မြစ်တစ်လျှောက် အပျော်စီးရင်း International Buffet ညစာသုံးဆောင်ကာ ဘန်ကောက်မြို့၏ လှပသော ညမြင်ကွင်းများကို ခံစားကြည့်ရှုပါမည်။ ထို့နောက် ဟိုတယ်သို့ ပြန်လည်ပို့ဆောင်ကာ ညအိပ်အနားယူပါမည်။
( နံနက်စာ / နေ့လည်စာ / ညစာ )
ဟိုတယ်တွင် နံနက်စာသုံးဆောင်ပြီးနောက် Safari World and Marine Park သို့ သွားရောက်လည်ပတ်ပါမည်။ ထိုနေရာတွင် Dolphin Show၊ Sea Lion Show နှင့် Cowboy Stunt Show အပါအဝင် စိတ်ဝင်စားဖွယ် တိရစ္ဆာန်ပြပွဲများကို ကြည့်ရှုခံစားနိုင်ပါမည်။
နေ့လည်စာကို Safari World အတွင်းတွင် Buffet ဖြင့် သုံးဆောင်ပါမည်။ ထို့နောက် Platinum Fashion Mall၊ Central World နှင့် Big C Supercenter တို့တွင် ဈေးဝယ်ရန် အားလပ်ချိန်ရရှိပါမည်။ ညစာကို ဒေသခံစားသောက်ဆိုင်တွင် သုံးဆောင်ပြီးနောက် ဟိုတယ်သို့ ပြန်လည်ပို့ဆောင်ကာ ညအိပ်အနားယူပါမည်။
( နံနက်စာ )
ဟိုတယ်တွင် နံနက်စာသုံးဆောင်ပြီး Check-out ပြုလုပ်ကာ Dream World နှင့် Snow Town သို့ သွားရောက်လည်ပတ်ပါမည်။ နေ့လည်စာကို Dream World အတွင်းတွင် Buffet ဖြင့် သုံးဆောင်ပါမည်။
ညနေပိုင်းတွင် Suvarnabhumi International Airport သို့ ပို့ဆောင်ပေးပြီး ရန်ကုန်/မန္တလေးသို့ ပြန်လည်ထွက်ခွာပါမည်။ မွန်းလွဲပိုင်းတွင် ရန်ကုန်/မန္တလေးသို့ ရောက်ရှိပြီး အမှတ်တရကောင်းများဖြင့် ခရီးစဉ်ကို အဆုံးသတ်ပါမည်။
လမ်းပြမြေပုံ
ခရီးစဉ် အမျိုးအစားများ
ပါဝင်သော ဝန်ဆောင်မှုများနှင့် ပါဝင်မည်မဟုတ်သော ဝန်ဆောင်မှုများ
- ကြယ်၃ပွင့်-၄ပွင့် အဆင့်ရှိ ဟိုတယ်များတွင် ၄ ည တည်းခိုခွင့်
- နိုင်ငံတကာ အသွားအပြန် လေယာဉ်လက်မှတ်
- ခရီးစဥ်တွင် သတ်မှတ်ထားသည့်အတိုင်း အစားအသောက်များ (နံနက်စာ၊ နေ့လယ်စာ၊ ညစာ)
- ခရီးစဥ်တွင်ပါရှိသည့် လည်ပတ်မည့်နေရာများ၏ ဝင်ကြေးများ အားလုံး
- ခရီးစဉ်တစ်လျှောက်လုံး အဲကွန်းပါတဲ့ ကားနဲ့ သက်တောင့်သက်သာ လိုက်ပါပို့ဆောင်ပေးခြင်း
- မြန်မာနိုင်ငံခရီးစဉ်တာဝန်ခံ (ခရီးသည် ၁၀ ဦးနှင့်အထက် အုပ်စုများအတွက် အကျုံးဝင်ပါသည်)
- အင်္ဂလိပ်ဘာသာစကား ပြောဆိုနိုင်သော ခရီးသွားလမ်းညွှန်
- ခရီးသွား အာမခံ အကျုံးဝင်မှုများ
- ဟိုတယ်၊ ဘား နှင့် အခြားဆိုင်များရှိ စားသောက်စရိတ်များ အပါအဝင် ကိုယ်ရေးကိုယ်တာ သုံးစွဲစရိတ်များ
- ခရီးစဉ်အသေးစိတ်တွင် မပါဝင်သော အခြား ရွေးချယ်စရာ လည်ပတ်မှုများနှင့် ခရီးစဉ်များ
- ဧည့်လမ်းညွှန်နှင့် ယာဉ်မောင်းအတွက်ဆုကြေးငွေ
ယုံကြည်စိတ်ချစွာဖြင့် သင့်အတွက် ထူးခြားသောခရီးစဉ်ကို စီစဉ်လိုက်ပါ
သင့်ရဲ့ နောက်ထပ်စွန့်စားခရီးစဉ်အတွက် အဆင်သင့်ဖြစ်ပြီလား?အေးချမ်းစွာ အပန်းဖြေခရီးထွက်မည့် ပြည်တွင်းခရီးစဉ်ဖြစ်စေ၊ နိုင်ငံတကာခရီးစဉ်ဖြစ်စေ စီစဉ်နေပါက အောက်ပါဖောင်ကို ဖြည့်စွက်ပေးပါ။ ကျွန်ုပ်တို့၏ ခရီးသွားဝန်ဆောင်မှုကျွမ်းကျင်သူများက သင့်လိုအပ်ချက်နှင့် ကိုက်ညီသော ခရီးစဉ်ရွေးချယ်စရာများကို စီစဉ်ပေးပြီး စိတ်အေးချမ်းစွာ ခရီးသွားနိုင်ရန် အမြန်ဆုံး ပြန်လည်ဆက်သွယ်ပေးပါမည်။