( နံနက်စာ / နေ့လယ်စာ / ညစာ )

ဟိုတယ်တွင် နံနက်စာသုံးဆောင်ပြီးနောက် ဗီယက်နမ်နိုင်ငံ၏ အလှပဆုံး တောင်ပေါ်ခရီးသွားနေရာများထဲမှ တစ်ခုဖြစ်သည့် Ba Na Hills သို့ သွားရောက်ပါမည်။
အရှေ့တောင်အာရှတွင် အရှည်လျားဆုံး Cable Car စနစ်များထဲမှ တစ်ခုဖြစ်သည့် ကမ္ဘာကျော် Cable Car စီးနင်းကာ Ba Na တောင်ပေါ်ရှိ French Village သို့ တက်ရောက်ပါမည်။ရောက်ရှိပြီးနောက် ပင်လယ်ရေမျက်နှာပြင်အထက် ၁,၄၈၇ မီတာအမြင့်တွင် တည်ရှိသော Ba Chua Thuong Ngan Pagoda သို့ သွားရောက်ဖူးမြော်ပါမည်။

ထို့နောက် စိတ်လှုပ်ရှားဖွယ်ရာ ဂိမ်းများနှင့် အပန်းဖြေကစားနည်းများစွာ ပါဝင်သည့် Indoor Amusement Park ဖြစ်သော Fantasy Park သို့ သွားရောက်လည်ပတ်ပါမည်။ဆက်လက်၍ ဗီယက်နမ်နိုင်ငံ၏ နာမည်ကျော်အထင်ကရနေရာတစ်ခုဖြစ်သည့် Golden Bridge သို့ သွားရောက်ကာ အံ့မခန်းတောင်တန်းရှုခင်းများကို ခံစားပြီး အမှတ်တရဓာတ်ပုံများ ရိုက်ကူးနိုင်ပါသည်။

နေ့လယ်စာကို Ba Na Hills တွင် Buffet ဖြင့် သုံးဆောင်ပါမည်။ ညနေပိုင်းတွင် ဒါနန်းမြို့သို့ ပြန်လည်ဆင်းလာပြီး ဒေသခံစားသောက်ဆိုင်တွင် ဗီယက်နမ်ရိုးရာညစာ သုံးဆောင်ပါမည်။ထို့နောက် ဟိုတယ်သို့ ပြန်လည်ပို့ဆောင်ကာ ညအိပ်အနားယူပါမည်။

( နံနက်စာ / နေ့လယ်စာ / ညစာ )

ဟိုတယ်တွင် နံနက်စာသုံးဆောင်ပြီးနောက် Son Tra Peninsula ပေါ်တွင် တည်ရှိပြီး ဗီယက်နမ်နိုင်ငံ၏ အမြင့်ဆုံး Lady Buddha ရုပ်ပွားတော် တည်ရှိရာ Linh Ung Pagoda (Lady Buddha) သို့ သွားရောက်လည်ပတ်ပါမည်။လမ်းခရီးတွင် နာမည်ကျော် Dragon Bridge ၌ ခဏတာရပ်နားပြီး အမှတ်တရဓာတ်ပုံများ ရိုက်ကူးနိုင်ပါသည်။

နေ့လယ်စာကို ဒေသခံစားသောက်ဆိုင်တွင် သုံးဆောင်ပါမည်။ ထို့နောက် Cam Thanh Coconut Village သို့ သွားရောက်ကာ အုန်းတောများအတွင်း ရိုးရာ Bamboo Basket Boat စီးနင်းခြင်းကို ထူးခြားစွာ ခံစားနိုင်ပါသည်။

ညနေပိုင်းတွင် အဝါရောင်အဆောက်အအုံများနှင့် ရောင်စုံမီးပုံးများကြောင့် နာမည်ကျော်ကြားသည့် ချစ်စရာကောင်းသော ရှေးဟောင်းမြို့ Hoi An သို့ ဆက်လက်သွားရောက်လည်ပတ်ပါမည်။ ညစာအဖြစ် BBQ သုံးဆောင်ပြီးနောက် ဒါနန်းမြို့သို့ ပြန်လည်ထွက်ခွာကာ ဟိုတယ်တွင် ညအိပ်အနားယူပါမည်။

( နံနက်စာ / နေ့လယ်စာ )

ဟိုတယ်တွင် နံနက်စာသုံးဆောင်ပြီးနောက် Check-out ပြုလုပ်ကာ လှပသော My Khe Beach သို့ သွားရောက်လည်ပတ်ပြီး အမှတ်တရဓာတ်ပုံများ ရိုက်ကူးနိုင်ပါသည်။ထို့နောက် ဒါနန်းမြို့၏ လူကြိုက်များသော ဈေးဝယ်နေရာတစ်ခုဖြစ်သည့် Han Market သို့ သွားရောက်ကာ ဒေသထွက်ကုန်ပစ္စည်းများနှင့် အမှတ်တရပစ္စည်းများ ဝယ်ယူနိုင်ပါသည်။

နေ့လယ်စာကို ဒေသခံစားသောက်ဆိုင်တွင် သုံးဆောင်ပါမည်။ ထို့နောက် ဝါးထုတ်ကုန်များနှင့် လက်မှုပစ္စည်းမျိုးစုံ ရောင်းချသည့် Than Tre Shop သို့ သွားရောက်လည်ပတ်ပါမည်။ ညနေပိုင်းတွင် Da Nang International Airport သို့ ပို့ဆောင်ကာ မြန်မာအပြည်ပြည်ဆိုင်ရာလေကြောင်းလိုင်း (MAI) ဖြင့် ဒါနန်းမှ ရန်ကုန်သို့ ပြန်လည်ထွက်ခွာပါမည်။

လေယာဉ်ပေါ်တွင် ညစာသုံးဆောင်ပြီး ညနေပိုင်းတွင် ရန်ကုန်အပြည်ပြည်ဆိုင်ရာလေဆိပ် သို့ ရောက်ရှိကာ ပျော်ရွှင်ဖွယ်အမှတ်တရများနှင့်အတူ ခရီးစဉ်ကို အဆုံးသတ်ပါမည်။